Presidenti rus Vladimir Putin ka deklaruar se ekonomia e Rusisë është më e madhja në Evropë, duke pretenduar se sanksionet perëndimore po shkaktojnë pasoja ekonomike edhe për vetë vendet që i kanë vendosur ato.

Gjatë fjalimit në takimin e drejtuesve të Bashkëpunimit Ekonomik Azi-Paqësor (APEC), që po zhvillohet në Shenzhen, Kinë, Putin kritikoi politikat ekonomike të Bashkimit Evropian.

Sipas tij, BE-ja nuk ka arritur të përshtatet me humbjen e tregut rus dhe të burimeve të lira energjetike nga Rusia.

Kreu i Kremlinit argumentoi se kjo situatë ka ndikuar negativisht në pozicionin dhe potencialin ekonomik të vendeve evropiane.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: