Dy pronare dyqanesh ne Durres do te procedohen penalisht, pasi akuzohen se kane abuzuar me çmimet e produkteve ushqimore dhe fruta-perimeve, ne nje kohe kur vendi yne po perballet me nje situate te veshtire per shkak te pandemise se koronavirusit.
Specialistët për Hetimin e Krimeve Ekonomike dhe Financiare në Drejtorinë Vendore të Policisë Durrës, në zbatim të Planit të Masave për parandalimin, evidentimin dhe goditjen e rasteve të abuzimeve me çmimet e produkteve ushqimore dhe fruta-perimeve duke përfituar nga situata, evidentuan dhe proceduan shtetasit: A. D., 47 vjeç dhe A. V., 56 vjeç, të dy banues në Durrës.
Gjatë kontrollit të ushtruar në njësitë e tyre tregtare, në tregun agroushqimor, në lagjen nr. 14 Durrës, është evidentuar se këta shtetas kanë abuzuar dhe përfituar nga tjetërsimi i çmimeve të artikujve ushqimor që ata tregtonin. Materialet i kaluan Prokurorisë së Rrethit Gjyqësor Durrës, për veprën penale “Fshehja e të ardhurave”.
(BalkanWeb)
