Skytrax publikoi një listë të aeroporteve më të mira në botë, pasi kreu rishikime dhe analizoi reagimet e klientëve në lidhje me fushat e ndryshme ajrore në të gjithë globin.

Kurora për aeroportin më të mirë shkon për Aeroportin Ndërkombëtar Hamad të Katarit, edhe një herë pas vitit 2022.

Sipas CNN, aeroporti është në krye të listës për dizajnin e tij ultra-modern, terminalet e lehtë për t’u kaluar dhe blerjet e nivelit të lartë.

CEO i Qatar Airways Group tha në një deklaratë: “Këtë vit, [Aeroporti Ndërkombëtar Hamad] feston vitin e tij historik të dhjetë të operimit dhe ne jemi vërtet të nderuar që pasagjerët na kanë votuar për Aeroportin më të Mirë në Botë për të tretën herë.”

Në 2023 dhe 2020, Aeroporti Changi i Singaporit ishte në krye, ndërsa Hamad qëndroi i pari në vitet 2022 dhe 2021.

Aeroporti ofron turne falas në qytet për pasagjerët që kanë qëndrime të gjata. Është gjithashtu një vend që ofron shërbime spa dhe një pishinë në hotelin e tij Oryx Airport.

Ndër 20 aeroporte në listë, 9 janë nga qytetet evropiane si Vjena, Madridi dhe Stambolli. Shtatë aeroporte aziatike ishin gjithashtu në top 20, me dy prej tyre në Tokio të Japonisë.

Skytrax vlerësoi gjithsej 570 aeroporte në mbarë botën dhe në Amerikën e Veriut, Aeroporti Ndërkombëtar i Vankuverit ishte më i miri. Aeroporti i Melburnit qëndronte i pari në rajonin Australi-Paqësor, ndërsa Aeroporti Ndërkombëtar Indira Gandhi i Delhit u emërua në Indi.

Lista me aeroportet më të mira në botë për vitin 2024:

Më posshtë gjeni listën e aeroporteve më të mira për vitin 2024:

Aeroporti Doha Hamad

Aeroporti Changi i Singaporit

Aeroporti Incheon i Seulit

Aeroporti Haneda i Tokios

Aeroporti Narita i Tokios

Aeroporti i Parisit Charles de Gaulle

Aeroporti i Dubait

Aeroporti i Mynihut

Aeroporti i Cyrihut

Aeroporti i Stambollit

Aeroporti i Hong Kongut

Aeroporti Fiumicino i Romës

Aeroporti i Vjenës

Helsinki-Vantaa

Madrid-Barajas

Aeroporti Centrair Nagoya

Aeroporti i Vankuverit

Aeroporti Kansai

Aeroporti i Melburnit

Aeroporti i Kopenhagen