Një aksident me vdekje u regjistruar mbrëmjen e sotme në vendin e quajtur “Kryqëzimi i Grecallisë” në Fier. Një këmbësor 50-vjeçar është goditur nga një automjet tip “Fuoristradë” duke i shkaktuar lëndime të rënda në trup.

Shtetasi  Dritan Gjinaj u dërgua në gjendje të rëndë në spitalin e qytetit ku edhe ndërroi jetë.

Njoftimi: 

Rreth orës 21:30, në vendin e quajtur “Kryqëzimi i Grecallisë”, Fier, shtetasi B. H., 20 vjeç, duke drejtuar një automjet tip “Range Rover”, ka aksidentuar këmbësorin, shtetasin D. Gj., rreth 50 vjeç.

Si pasojë e aksidentit, ka ndërruar jetë në spital shtetasi D. Gj.

Drejtuesi i automjetit, shtetasi B. H., është shoqëruar në Komisariat nga shërbimet e Policisë, për veprime të mëtejshme.

Grupi hetimor po punon për sqarimin e plotë të rrethanave të aksidentit.