VORË

Një aksident është shënuar këtë mbrëmje në autostradën Tiranë – Durrës, në afërsi të qytetit të Vorës.

Operatori Roland Karamata sjell pamjet nga vendi i ngjarjes për redaksinë e “BalkanWeb”.

Sipas raportimeve, makina tip “Ford” me targa AA 236 RK, ka humbur kontrollin e mjetit dhe është përplasur me trafikndarësen.

Mësohet se në makinë, po udhëtonin 4 persona, tre djem dhe një vajzë. Fatmirësisht veç dëmeve materiale nuk ka pasur të lënduar.

Njoftimi i plotë i policisë:

Tiranë/Informacion paraprak

Rreth orës 21:30, në Vorë, një automjet me drejtuese shtetasen F. H., 25 vjeçe, ka humbur kontrollin dhe është përmbysur në rrugë, ku si pasojë ka vetëm demë materiale dhe nuk ka probleme për drejtuesen e mjetit.

Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes.

(BalkanWeb)