ELBASAN
Një aksident i rëndë ka ndodhur rreth orës 20:50 të mbrëmjes së sotme në aksin rrugor Librazhd-Elbasan, në afërsi të fshatit Mirakë.
Një veturë është përplasur me një autobus me nxënës nga Tirana dhe për pasojë një i ri ka humbur jetën dhe një tjetër ka mbetur i plagosur.
Mësohet se viktima është 25-vjeçari Gentian Pepa, ndërsa i plagosuri Elton Poci 30 vjeç nga Polisi i Librazhdit. 30-vjecari është nisur drejt Tiranës për mjekim më të specializuar.
Policia ka nisur hetimet për zbardhjen e plotë të shkaqeve dhe motiveve të aksidentit.
Njoftimi i policisë:
Më datë 17.11.2018, rreth orës 20:30, në aksin rrugorë Elbasan- Librazhd , në fshatin Mirakë, është përplasur autobuzi me targa AA121 CS me drejtues shtetasin Gj.S., 48 vjeç, banues në Durrës, me mjetin tip “Hondaj” , me targa AA352 CK.
Si pasojë e aksidentit pasagjeri i mjetit Hoda shtetasi E.P është aksidentuar, ndërsa drejtusi i mjetit shtetasi G.P. 25 vjeç, banues në Librazhd, rrugës për në Spitalin e Elbasanit, ka humbur jetën
Grupi hetimor ndodhet në vendngjarje dhe po punohet pêr zbardhjen e shkakut të aksidentit.
(d.d/BalkanWeb)
