TIRANE
Ish prefekti dhe i deleguari i PS-në Qarkun e Kukësit, Safet Gjici ka përgënjeshtruar akuzat e PD-së se ka përfituar tenderin për Universitetin e Durrësit, ndërsa paralajmëron këtë force politike për një përballje në gjykatë. Përmes një postimi në ‘Facebook’, Gjici shkruan se akuza e tyre është lehtësisht e verifikueshme, ndërsa e cilëson një gënjeshtër të rradhës.
Postimi i plotë
Megafoni i opozitës së dështuar dhe të shkërmoqur, foli sërish!
Nuk çuditem, por mëshiroj çdo kënd, i cili nuk informohet, apo nuk do ta bëjë një gjë të tillë.
E kam thënë e rithënë: Prej vitesh nuk administroj asnjë biznes, jo më të përfitoj tendera. Kjo është lehtësisht e verifikueshme!
Sot, u akuzova, se kam përfituar tenderin për Universitetin e Durrësit. Gënjeshtër fund e krye.
Tenderi për godinën e Universitetit, është realizuar në fillim të vitit 2013, kur në qeveri ishte Partia Demokratike! Madje, kompania që unë administroja dikur, nuk ka marë ende as paratë e punës së bërë.
U tha, se kam përfituar 30 milionë dollarë tendera!!!
Megafoni i djegur i PD-së, ti vërtetojë, pasi në të kundërt, do shihemi në gjyq!
Kam vetëm një përgjigje për opozitën e rrjepur e shkërmoqur: Ethet e humbjes u kanë nisur!
(BalkanWeb)
