Analisti Roland Lami tha në emisionin “Real Story”, në News24, se Shtete e Bashkuara të Amerikës po minojnë influencën ruse në Shqipëri me anë të Reformës në Drejtësi.
“SHBA ka gjetur një mënyrë për të minuar influencën ruse në Shqipëri, Reformën në Drejtësi”, u shpreh Lami.
Më tej, analisti foli dhe ndikimin rus, turk e kinez në rajon, duke thënë se influenca kineze nuk është në nivele shqetësuese në vendin tonë.
“Liderët e BE kanë theksuar influencën ruse, turke e kineze në rajon. Nisur nga këto deklarata ne nuk e marrim shumë seriozisht deklaratën e Rusisë. Në nivel mikro, Shqipëria nuk ka të dhëna për filo-rusë. Por, ka një doktrinë ruse, ku aty ku nuk ka prezencë, luhet me tezën e destabilizimit dhe përpiqet të luajë te elita e korruptuar për destabilizim, këtu ja ka arritur. Ka një shqetësim real.
805 milionë euro ka borxh sot Mali i Zi ndaj Kinës, një shumë marramendëse është mbi portin e Pireut në Greqi, ne nuk e kemi këtë prezencë kineze. Nuk është në nivele shqetësuese influenca kineze te ne. Ne kemi prezencë të shtuar të Turqisë, që është nga pikëpamja kulturore, fetare”, deklaroi ai.
(BalkanWeb)
