Ariana Grande ka bashkëpunuar me Mariah Carey-n për atë që ajo e quan “bashkëpunimin e saj të ëndrrave”.

Projekti i ri i këngëtares 31-vjeçare vjen përpara publikimit të albumit të saj “Eternal Sunshine” në mars.

Të mërkurën, Ariana hyri në llogarinë e saj në Instagram dhe ndau se do të publikojë një remix të këngës së saj kryesore “Yes, And?” nga albumi i ardhshëm, me Mariah-n.

“Nuk mund t’i besoj fjalët që po shkruaj… “Yes, And?” Remix me të vetmen, mbretëreshën e zemrës sime dhe frymëzimin e përjetshëm @mariahcarey del këtë të premte!!!!!!!!!!!” shkroi ajo.

Duke përshëndetur legjendën 54-vjeçare, Ariana shtoi:

“Në të vërtetë nuk ka fjalë që të mjaftojnë. Faleminderit nga thellësia e zemrës sime për realizimin e kësaj ëndrre dhe që dhe shkëlqimin dhe magjinë tënde në këngën time të vogël @mariahcarey. Kjo do të thotë më shumë për mua sesa mund të artikuloj ndonjëherë. Nuk mund të pres që të gjithë ta dëgjojnë këtë! Të dua përjetësisht.”

Ariana ka punuar më parë me Mariah dhe Jennifer Hudson në vitin 2020 në një remix të këngës së saj hit të vitit 2010, “Oh Santa!”.