Dita e Shën Valentinit u zgjodh nga policia peruane për të kapur dhe arrestuar përfundimisht dy gra për trafik droge.

Siç shihet në video, karremi ka qenë një punonjës policie i cili ishte maskuar si ari dhe i cili është shfaqur në hyrje të shtëpisë duke mbajtur lule dhe çokollata.

Kur e dyshuara femër doli nga ndërtesa, polici ‘ari’ dhe kolegët e tjerë e arrestuan atë.

Pas përfundimit të operacionit që çoi në dy arrestime, policia njoftoi se në shtëpi u gjetën 1500 “doza” kokainë.

Arrestimet e maskuara janë të zakonshme në Peru pasi tre vjet më parë një oficer policie u vesh si Santa Claus dhe bëri arrestime.

(BalkanWeb)