Mario Balotelli po kalon në një formë të mirë te Nice në Francë. Italiani ka startuar në 15 ndeshje dhe në dy tjera është futur në lojë si zëvendësues në kampionatin elitar francez. Në 1330 minuta lojë ai ka arritur të shënojë 13 gola. Disa nga golat sezonal italiani i ka përmbledhur në një video të cilën e ka postuar në Instagram, po ashtu në video janë edhe disa gola me Përfaqësuesen e Italisë.
Duke parë këto dhe përshkrimin ‘ndihem mirë‘, na lë të kuptojmë se Mario dëshiron të ftohet nga Italia për Kampionatin Botëror ‘Rusia 2018’, shkruan tg.
27-vjeçari ka debutuar me skuadrën e parë të Italisë sa ishte pjesë e Interit në vitin 2010.
Në 33 paraqitje ai ka arritur të shënojë 13 gola, por mbi të gjitha ishte vendimtar në lojën e të kaltërve.
Balotelli ka rigjetur vetën te Nice pas një kohe të gjatë, aventurat e tij e fundit te Liverpooli bëri që ai të harrohet nga Italia.
