Nga: Zonja Ida Cakerri
110 gr gjalpë (në temperaturë ambjenti)
90 gr sheqer pluhur
1 lugë kafeje pluhur pjekës
1 vezë
270 gr miell
200 gr fruta pylli të ngrira
100 gr sheqer
Rrahim gjalpin me sheqerin, më pas shtojmë vezën. I rrahim bashkë dhe shtojmë miellin me pluhurin pjekës. E punojmë mirë brumin dhe e lemë 30 minuta në frigorifer.
Më pas e hapim brumin e biskotave me trashësi 3-4 mm, e presim me forma dhe e pjekim në 190 gradë për 15-20 minuta maksimumi.
Në një tenxhere hedhim frutat e pyllit me sheqerin dhe i ziejmë në temperaturë mesatare derisa të trashet reçeli.
Pasi reçeli të ftohet mbushim biskotat me të.