Ukraina nuk “thyhet”, kështu ka deklaruar gjenerali i lartë i Ukrainës pas sulmit ajror me 55 raketa nga Rusia.
Gjenerali Valery Zaluzhny, komandanti i përgjithshëm i forcave të armatosura të Ukrainës, tha se 11 persona humbën jetën ditën e sotme nga sulmet ruse dhe se 3 prej tyre ishin në Kiev.
“Qëllimi i rusëve mbetet i pandryshuar, presioni psikologjik mbi ukrainasit dhe shkatërrimi i infrastrukturës. Por ne nuk mund të thyhemi!”, ka shkruar Zaluzhny në Telegram.
Sulmi ajror me raketa kanë tronditur Kievin në orën 10.06 të mëngjesit.
Objektivat e sulmeve ishin kryesisht termocentralet dhe nënstacionet e energjisë elektrike. Një numër qytetesh kishin marrë masat paraprake të mbylljes së furnizimit me energji elektrike për të zbutur nivelin e dëmtimit, pasi dolën raporte për raketa ruse që shkonin drejt objektivave ukrainase.
Ky sulm vjen si shenjë hakmarrje pas ndihmës së Gjermanisë dhe SHBA-së për të furnizuar Ukrainën me dhjetëra tanke Leopard 2. Kujtojmë që pas furnizimit të Gjermanisë, një zyrtar i lartë rus u shpreh se tankek do të digjen, ashtu si Ukraina.
(BalkanWeb)
