Është mësuar gjysmëfinalisti i parë i play-off në NBA, që vjen nga Konferenca e Lindjes. Boston Celtics mposhti 116-112 Brooklyn Nets, duke fituar 4-0 serinë e çerekfinaleve dhe kalon më tej.
Një zhgënjim për Nets, që e nisën sezonin ashtu si Lakers favoritë, por që u ndalën herët. Tatum me 29 pikë, Broën me 22 e Smart me 20 ishin vendimtarë në fitoren e Boston, duke i bërë të pavlefshme 39 pikët e Kevin Durant për Brooklyn.
Toronto fitoi 103-88 në fushën e Philadelphia dhe rihap garën për në gjysmëfinale. Philadelphia udhëheq 3-2 serinë, ndërkohë që kanadezët kanë fituar dy përballjet e fundit. Ndeshja u dominua nga Toronto, ku u dallua Siakam me 23 pikë e 10 rebound.
Po 3-2 udhëheq edhe Dallas, që mundi 102-77 Utah Jazz. Ndeshje e mirë për Luka Doncic, që realizoi 33 pikë e 13 rebound për teksanët.
Konferenca e Lindjes-Çerekfinale play off
Miami – Atlanta, (3-1)
Philadelphia – Toronto, 88-103 (3-2)
Milwaukee – Chicago, (3-1)
Boston – Brooklyn, 116-112 (4-0)
Konferenca e Perëndimit-Çerekfinale play off
Phoenix – New Orleans, (2-2)
Dallas – Utah Jazz, 102-77 (3-2)
Golden State – Denver, (3-1)
Memphis – Minnesota, (2-2)
(BalkanWeb)
