Një turist britanik është akuzuar se ka vrarë brutalisht gruan e tij me një kaçavidë në dhomën e tyre të hotelit në Turqi pas një debati.

26-vjeçarja është gjetur e pajetë rreth orës 12:30. sipas kohës lokale të martën, thuhet nga hoteli Ulubat Castle në lagjen Fatih Mevlanakapı të Stambollit.

Stafi i hotelit raportoi se kishte dëgjuar “zhurma” nga një dhomë dhe e gjeti viktimën “të mbytur në një pellg gjaku”. Mjekët kanë mbërritur në vendngjarje dhe kanë konstatuar vdekjen e saj.

Gruaja kishte plagë në qafë dhe në të gjithë trupin dhe mjeku arriti në përfundimin se ajo ishte vrarë me një kaçavidë. Në fakt, autori e kishte goditur me kaçavidë 41 herë.

Policia turke arrestoi menjëherë bashkëshortin 28-vjeçar të gruas, i cili kishte veshur një bluzë të bardhë të ngjyrosur me gjak dhe tentoi të largohej me një taksi nga vendi i krimit.

I dyshuari pranoi aktin e tij të urryer dhe tha se e hodhi kaçavidën në tualetin e dhomës së hotelit.

Sipas mediave turke, “ai u dërgua në burg nga gjykata me akuzën e vrasjes me dashje ndaj gruas së tij”.

Ai ka pohuar se viktima i ka dhënë drogë ditën e sulmit, gjë që ka degraduar në një sherr. Në një deklaratë në polici, ai tha se përdorte drogë për shkak të “problemeve psikologjike”.

Ai dyshohet se është larguar nga vendi i krimit pasi ka shkatërruar provat.

Pamjet e kamerave të sigurisë gjithashtu thuhet se tregojnë të dyshuarin duke u larguar vetëm nga hoteli. Hetimet për ngjarjen vazhdojnë.

(BalkanWeb)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: