GREQI

Kryeministri grek, Aleksis Cipras kërkon të rihapet çështja e dëmshpërblimeve të Luftë së Dytë Botërore me qeverinë gjermane, duke u kërkuar sot që Parlamenti t’i japë atij një mandat për ta bërë këtë.

Parlamenti grek zhvilloi më herët një debat në lidhje me dëmshpërblimet që gjermania duhet t’i kryejë Greqisë në lidhje me dëmet e luftës dhe krimet e kryera gjatë pushtimit nazit të vendit gjatë Luftës II Botërore.

Tre vite më parë, një komision ekspertësh vlerësoi dëmet e shkaktuar nga lufta në 290 miliardë euro.
Gjermania në të kaluarën ka kërkuar falje për krimet e periudhës naziste, por nuk ka qenë e gatshme të diskutojë për dëmshpërblimet. Ajo ka mohuar se i ka ndonjë borxh Greqisë pasi i ka paguar Athinës si dëmshpërblim shumën prej 115 milionë markash në vitin 1960 dhe e konsideron çështjen të mbyllur ligjërisht dhe politikisht.