E ardhmja e Zlatan Ibrahimovic mbetet e gjitha për tu përcaktuar. Vetë sulmuesi suedez nuk e ka me nxitim për të shuar dyshimet: “Të shohim, nuk e di akoma se çfarë dua. Çdo ditë ndodh diçka e re. Kush mund ta kishte parashikuar këtë coronavirus? Duhet të shijojmë më shumë jetën. Kam një familje për të cilën duhet të kujdesem, ata ndihen mirë këtu, un po ashtu”, u shpreh Ibrahimovic.
Sipas mediave italiane, Ibra e ka marrë tashmë një vendim, pas vetëm 6 muajsh do të largohet nga Milan, vendim të cilin pritet t’ia komunikoj Gazidis sa më shpejt të jetë e mundur. E ardhmja e tij mbetet e paqartë, ku nuk përjashtohet as mundësia për tu tërhequr nga futbolli. Në intervistën e tij për “Svenska Dagbladet”, Ibra u ndal tek Covid-19 dhe ndërprerja e çdo aktiviteti sportiv: “Është tragjike që kampionet u ndërprenë por duhet të respektojmë ligjet dhe të jemi të duruar. Qeveritë duhet të gjejnë zgjidhje që të jenë në ndihmë të komunitetit. Shëndeti vjen përpara sportit”.
(BalkanWeb)