Protestuesit që kundërshtojnë qeverinë dhe kryeministrin Edi Rama janë zhvendosur në marshim drejt Parlamentit, pas tubimit të nisur më herët para Ministrisë së Arsimit, teksa dita e sotme shënon ditën e 172-të radhazi të protestave.
Me thirrje kundër qeverisë dhe kërkesa për largimin e kryeministrit, protestuesit kanë lënë pas godinën e Ministrisë së Arsimit dhe janë drejtuar drejt Kuvendit ku pritet të vijojë protesta, teksa deputetët diskutojnë buxhetin.
Marshimi vjen si pjesë e kundërshtimit të tyre ndaj qeverisjes së Edi Ramës, ndërsa pjesëmarrësit vijojnë të artikulojnë pakënaqësitë përmes parullave dhe thirrjeve kundër mazhorancës.
