Anthony Martial pritet të largohet nga Manchester United në fund të sezonit. Sulmuesi francez, i cili erdhi nga Monaco në verën e vitit 2015 për shumën e tepruar prej 60 milionë eurosh, nuk ka mundur kurrë të shpërblejë plotësisht besimin e dhënë në atë kohë.
Kontrata e tij skadon më 30 qershor dhe duket se nuk ka gjasa që palët të ulen për të zgjatur marrëveshjen, pavarësisht se klubi ka mundësinë të ushtrojë opsionin e rinovimit për një sezon tjetër. Martial nuk zbret në fushë që prej datës 9 dhjetor dhe prej disa kohësh trajneri Erik ten Hag e ka ftuar të stërvitet vetëm për të rifituar formën e tij fizike.
Megjithatë, francezi nuk është rikthyer ende në grup dhe mediat angleze po spekulojnë se Martial aktualisht nuk është në gjendje të përballojë ritmin intensiv të seancave stërvitore të holandezit. Manchester United është gati të dëgjojë ofertat në këtë afat kalimtar, ndërsa klubet dëshirojnë që të afrojnë falas futbollistin në verë.
EXCLUSIVE 🚨
Anthony Martial is exiled and forced to train on his own by Erik Ten Hag after failing to regain fitness after illness
— Mail Sport (@MailSport) January 17, 2024
(J.S/BalkanWeb)
