Ministria e Jashtme turke paralajmëron se lufta në Gaza mund të përshkallëzohet pas sulmit të Iranit mbrëmë si hakmarrje për një sulm izraelit ndaj ambasadës së tij në Damask në fillim të këtij muaji.

“Sot, ne po i komunikojmë qartë mesazhet tona udhëheqësve iranianë dhe vendeve perëndimore që kanë ndikim mbi Izraelin, duke bërë thirrje për ndalimin e përshkallëzimit. Ne do të vazhdojmë të punojmë për të parandaluar një proces që do të dëmtojë në mënyrë të pakthyeshme stabilitetin e rajonit tonë dhe do të përkeqësojë konfliktet globale”, tha ministria.

Ky institucion shtoi se të gjitha zhvillimet po monitorohen nga afër.