Ledjon Brakaj, një 36-vjeçar shqiptar i shumëkërkuar nga drejtësia greke për një krim makabër të ndodhur në ishullin Aegina, rreth 40 minuta larg Athinës, është arrestuar nga autoritetet në Maltë.
Brakaj dyshohet se vrau pronaren e tij pensioniste që kishte në pronësi një dyqan suveniresh, Irini Marmarino dhe nipin e saj Lambros Protonotarios brenda shtëpisë së të moshuarës në vitin 2015 dhe i grabiti atyre rreth 780,000 euro para cash dhe sende me vlerë.
Sipas mediave greke mënyra sesi Brakaj u mori jetën viktimave ishte mizore he brutale, pasi ata janë rrahur, torturuar dhe më pas janë djegur të gjallë. Mjeku ligjor nga Pireu, Elias Bogiokas u citua të thoshte asokohe se viktimat u sulmuan me shkelma, grushte dhe shkopinj e më pas u dogjën të gjallë.
Ndërkohë, mediat malteze kanë publikuar pamjet e arrestimit të 36-vjeçarit, i cili jetonte si banor i rregullt në.
Policia e ka arrestuar dhe proceduar penalisht Brakajn në bazë të një urdhër-arresti evropian të lëshuar nga Greqia marsin e kaluar.
Inspektorët maltezë Kurt Ryan Farrugia dhe Robinson Mifsud dëshmuan se Brakaj u arrestua pasi gjurmët e gishtave të tij përputheshin me ato të dërguara nga autoritetet greke.
Megjithatë, avokati i 36-vjeçarit, Franco Debonoi u kundërpërgjigj se kjo provë nuk u paraqit në gjykatë dhe për këtë arsye nuk duhet të mbështetet gjykata në të.
Ai paralajmëroi gjithashtu se emri i klientit të tij nuk përputhet me emrin e dhënë në urdhër-arrestin e lëshuar nga Greqia.
Mbrojtja nuk kërkoi lirimin me kusht dhe gjyqtari Noel Bartolo urdhëroi që Brakaj të lihej në paraburgim në pritje të një seance javën e ardhshme, gjatë së cilës do të diskutohen procedurat e ekstradimit në Athinë.
