Në një kohë që qeveria ka shpallur gjendjen e fatkeqësisë natyrore për shkak të pandemisë COVID-19, ish-deputeti i PD, Klevis Balliu deklaron se kjo situatë po e mban në pushtet kryeministrin Edi Rama.

Përmes një postimi në ‘Facebook’, Klevis Balliu mes ironisë akuzon kreun e qeverisë se ka bërë “koalicion” me virusin për të “zgjatur pushtetin”.

“Ndaj ose Rama s’po kupton këtë gjë të thjeshtë, që se besoj, por nëse është rasti duhet të largohet sepse është tejet i paditur për të luftuar virusin ose atëherë ai ka bërë një kualicion me virusin për të zgjatur pushtetin që përseri duhet të iki.”, shkruan ai.

POSTIMI I BALLIUT
Rama në “koalicion” me Coronavirus
Dy arsye pse Rama mbështet Coranavirusin duke mos ndërmarrë masat ekonomike dhe papërgjegjshmërinë totale institucionale. Fillimisht, nëse për të gjithë Coronavirus është një mallkim për Ramën është një bekim, pasi përsa kohë është Coronavirus nuk mund të ushtrohen as protesta, as zgjedhje.
Rama përsëri është drejt fundit të tij por Coronavirus e mbajti në pushtet dhe ai e di se është i mbrojtur përsa kohë është Coronavirus në qarkullim. Kjo është dhe arsyeja pse Rama në papërgjegjshmëri të plotë ose mbase edhe me dashakeqësi personale, vendos që njerëzit të shkojnë dhe të paguajnë drita, ujin dhe çdo taksë tjetër.
Rama thotë se nuk duhet të dalim dhe këtu jam dakord por kur bëhet fjalë për të paguar dritat, ujin e taksat e tjera të shtuara prej tij duhet të dalësh që çke me atë punë. Ai thotë se në të kundërt do ti presim dritat, por kur ikin dritat ikën edhe uji e kur ikën uji nuk mban dot higjenë. Ndërsa kur nuk kujdesesh për higjenën nuk lufton dot Coronën.
A po mundohet Rama ti heqi armët qytetarëve për të luftuar Coronavirus në mënyrë që Corona të zgjasi sa më shumë dhe që pushteti i tij të zgjasi sa më shumë?
Mendoj që po sepse ska shpjegim tjetër. Është logjike që nëse personi nuk punon ai nuk fiton para e nëse nuk fiton para nuk paguan dot taksat. Këtë e kupton kushdo edhe një i pashkollë si Rama e kupton.
Ndaj ose Rama s’po kupton këtë gjë të thjeshtë, që se besoj, por nëse është rasti duhet të largohet sepse është tejet i paditur për të luftuar virusin ose atëherë ai ka bërë një kualicion me virusin për të zgjatur pushtetin që përseri duhet të iki.
Nga do që ta shohësh për të hequr Coronavirusin duhet hequr CoRamavirus në fillim.
(BalkanWeb)