Kryetari i Grupit Parlamentar të PS-së Taulant Balla deklaron se Kuvendi i Shqipërisë do të adresojë gjatë sesionit të ri që fillon në shtator situatën e papranueshme që sipas tij një ish-sekretar partie përdhos këtë institucion me gjuhën e tij.
Duke shigjetuar Berishën, Balla krahas shënimit të tij në rrjetin social ‘Facebook’ ka publikuar dhe një foto të kryetarit të PD-së përkrah diktatorit Enver Hoxha.
Postimi i Ballës:
?⏰Kuvendi i Shqipërisë do të adresojë gjatë sesionit të ri që fillon në Shtator situatën e papranueshme dhe absurde se si një sekretar partie dhe njeri i afërt me udhëheqjen e diktaturës komuniste, i shpallur non grata nga Shtetet e Bashkuara të Amerikës dhe Britania e Madhe, vazhdon të përdhosë këtë institucion me praninë dhe gjuhën e tij.
