Prej ditësh Shqipëria është përfshirë nga një mot me shira të vazhdueshëm.
Gazetarja Brikena Metaj tha për Neës24 se një situatë e tillë raportohet në të gjithë qarkun e Gjirokastrës, i cili është përfshirë nga erëra të fuqishme dhe shira me intensitet deri në mesatare.
Për shkak të erës së fortë OSHEE ka stakuar fiderat e njësive administrative të poshtëshënuara.
Momentalisht janë pa energji elektrike:
Njësia administrative Luftinjë, bashkia Memaliaj, njësia administrative Dragot dhe Kurvelesh bashkia Tepelenë, njësia administrative Cepo, Picar, Lunxhëri, bashkia Gjirokastër, njësia administrative Dropulli i sipërm është pjesërisht pa energji elektrike dhe njësia administrative Ballaban, bashkia Këlcyrë.
Në terren janë grupet e OSHEE të cilat punojnë për rikthimin e energjisë.
Administratori i njësisë administrative Picarka njoftuar se rruga Kolonjë-Picar njësia administrative Picar bashkia Gjirokastër për shkak të rënies së inerteve kalohet me vështirësi.
(BalkanWeb)