Në Madrid, presidenti Perez dhe stafi i tij po përgatiten për të ndërtuar Realin e së ardhmes. Prioriteti kryesor i është gjetja e një sulmuesi të ri, por në Spanjë sjellin jo një por dy emra. Nuk ndryshon asgjë në lidhje me Harry Kane, është ai në majën e listës së dëshirave, por rreth sulmuesit anglez ka risi në negociata.
Reali ka gati 80 milionë euro për Tottenham, për të blerë kartonin, ndërsa së fundmi është bindur edhe Kane i cili ka dhënë dritën jeshile që të negociojnë me “gjelat”. Aprovimi i kapitenit të përfaqësueses angleze ia bënë më të lehtë këtë tratative presidentit Perez. Jo vetëm Harry Kane, Reali kërkon të afrojë në Madrid edhe sulmuesin e Chelsea, Kai Havertz. Në të njëjtën kohë është e mbyllur pista Jude Bellingham. Talenti britanik po kërkon një shtëpi në Madrid ndërsa zyrtarizimi është thjesht çështje kohe.
(BalkanWeb)
