Franca do t’u kërkojë udhëtarëve nga Kina të japin një rezultat negativ të testit COVID-19 më pak se 48 orë para nisjes.
Testi do të kërkohet në të gjitha fluturimet nga Kina, përfshirë fluturimet me ndalesa. Udhëtarët në aeroplanët që vijnë nga Kina gjithashtu do të duhet të mbajnë maska.
Pasi i mbajti kufijtë e tij të mbyllur për tre vjet, duke vendosur një regjim të rreptë bllokimesh dhe testimesh të pamëshirshme, Pekini ndryshoi befas kursin drejt të jetuarit me virusin më 7 dhjetor dhe infeksionet janë përhapur me shpejtësi javët e fundit.
Franca nuk caktoi një datë fillimi për masat, por do të publikojë një dekret qeveritar dhe do të njoftojë vendet anëtare të Bashkimit Evropian, thanë ministritë.
Një burim qeveritar i tha Reuters se do të duhet “pak kohë” që testimi i detyrueshëm të vendoset.
Nga 1 janari, Franca do të kryejë gjithashtu teste të rastësishme PCR COVID pas mbërritjes për disa udhëtarë që vijnë nga Kina, u tha gazetarëve një zyrtar qeveritar.
Qeveria rekomandoi gjithashtu që njerëzit me sistem të dobët imunitar të vonojnë udhëtimet jo thelbësore në Kinë.
Koreja e Jugut dhe Spanja të premten iu bashkuan një liste në rritje të vendeve, duke përfshirë Shtetet e Bashkuara, Indinë dhe të tjerët, të cilat kanë vendosur teste COVID për udhëtarët nga Kina.
