Gjyqi ndaj ushtarit Vadim Shishimarin ka rifilluar në Kiev pas një pauze të shkurtër. Komandanti 21-vjeçar i tankeve ruse ka pranuar vrasjen e një civili 62-vjeçar.

Ivan Maltysev, një tjetër 21-vjeçar, gjithashtu i arrestuar, i tha gjykatës se si rusët ishin detyruar të tërhiqeshin në këmbë me të plagosurit e tyre pasi kolona e tankeve u sulmua.

Kur një makinë civile u afrua, rusët hapën zjarr mbi të “drejtpërsëdrejti” dhe, sipas Maltysev, ata më pas morën automjetin.

Rreth 500 metra më tutje, ushtarët vunë re Oleksandr Shelipov – viktimën.

“Ai ishte në telefon ose po e nxirrte, nuk më kujtohet cili”, tha Maltysev, duke shtuar se ai kujton se Vadim Shishimarin ishte urdhëruar të qëllonte.

“Vadimi nuk e bëri këtë. Kështu ushtari, emri i të cilit nuk e di, u kthye në makinë dhe bërtiti që Vadimi duhej të zbatonte urdhrin, ose do të informoheshim.

“Në këtë pikë, ne ishim pothuajse përkrah civilit dhe nën presion, Vadimi qëlloi. Ai qëlloi tre ose katër fishekë.”

Burimi: BBC

(BalkanWeb)