Një plagosje brenda familjes është shënuar në Has.

Policia njofton se shtetasi R. H., ka plagosur me mjet prerës (thikë) vëllain e tij, S. H., pasi ky i fundit dhunonte të ëmën.

Policia njofton se rreth orëve të para të mëngjesit, shtetasi S. H., është paraqitur në spitalin e qytetit të Krumes. Ai fillimisht ka mohuar ngjarjen e ka thënë se është vetëplagosur.

Por, policia nuk është bindur nga dëshmia e tij e menjëherë ka nisur hetimet dhe ka arrestuar të vëllanë, R. H., ku gjatë kontrolleve i është gjetur dhe një mjet prerës, me të cilën dyshohet se ka kryer plagosjen.

Ky i fundit është arrestuar nga policia, ndërsa mjeti prerës, është sekuestruar në cilësinë e provavës materiale.

Njoftimi i plotë i policisë:

Has

Plagosi me mjet prerës vëllanë e tij, kapet në kohë rekord autori.

Sekuestrohet në cilësinë e provës materiale mjeti prerës thikë.

Sot, rreth orës 07:55, në spitalin e qytetit Krumë ka shkuar i plagosur me mjet prerës shtetasi S. H., rreth 27 vjeç, banues në qytetin e Krumës.

Nga intervistimi paraprak shtetasi S. H. ka pohuar se ishte vetëplagosur në banesën e tij.

Menjëherë grupi hetimor ka filluar hetimet dhe ka rezultuar se shtetasi S. H. ishte plagosur me mjet prerës thikë nga vëllai i tij, shtetasi R. H., pasi dhunonte të ëmën.

Shërbimet e Policisë janë vënë në ndjekje të autorit. Falë veprimeve të shpejta dhe profesionale, në qytetin e Krumës, u bë e mundur kapja e autorit, shtetasit R. H., i cili shoqërohej së bashku me shtetasin G. B.

Gjatë kontrollit fizik, shtetasit G. B. iu gjet dhe sekuestrua mjeti prerës (thikë), me të cilin dyshohet se është plagosur 27-vjeçari.

Shtetasit R. H. dhe G. B. janë shoqëruar në Komisariatin e Policisë Has, për veprime të mëtejshme.