Dyzet e një persona po monitorohen aktualisht për hantavirus në Shtetet e Bashkuara, njoftuan sot Qendrat Amerikane për Kontrollin dhe Parandalimin e Sëmundjeve ( CDC ) .
Shumica e këtyre njerëzve do të duhet të qëndrojnë në shtëpi dhe të shmangin kontaktin me të tjerët për një periudhë prej 42 ditësh .
Sipas Dr. David Fitter , menaxherit të incidenteve të CDC-së, 41 personat vijnë nga tre grupe kryesore. Njëri janë pasagjerët nga anija turistike MV Hondius të cilët u riatdhesuan së fundmi dhe tani ndodhen në Nebraska dhe Emory. I dyti janë pasagjerë të tjerë që kishin zbritur nga anija dhe ishin kthyer në Shtetet e Bashkuara para se të shfaqeshin rastet e para, dhe i treti janë njerëzit që mund të kenë qenë të ekspozuar ndaj virusit gjatë udhëtimit të tyre në fluturime që transportonin raste të koronavirusit, u tha Fitter gazetarëve.
