Katër muaj pasi u godit me shuplakë nga Will Smith para një publiku të mbushur me yje në ceremoninë e ndarjes së çmimeve Oscar dhe para botës – Chris Rock më në fund ka folur rreth kësaj.

Komediani, i cili reagoi ndaj shuplakës tashmë famëkeqe me humor dhe refuzoi të ngrinte akuza kundër Smith, bëri një shaka për incidentin gjatë një shfaqjeje stand-up gjatë fundjavës.

Rock doli në skenë në Madison Square Garden të qytetit të New York të shtunën, ku ai dhe Kevin Hart kryesuan turneun e komedisë “Only Headliners Allowed” – i cili kishte Dave Chappelle si të ftuar surprizë.

“Kushdo që thotë fjalët lëndojnë nuk është goditur kurrë me grusht në fytyrë”, ka thënë Rock gjatë paraqitjes së tij, shkruan DailyMail.

Shfaqja shënon herën e parë që Rock ka folur publikisht për incidentin, megjithëse më parë la të kuptohej se do të bënte shaka me të sapo të përpunonte plotësisht atë që ndodhi.

Në fund të marsit – ditë pas Oscars 2022 – Rock shiti biletat për shfaqjen e tij stand-up dhe me të mbërritur, mori një ovacion të fortë nga publiku.

Komediani bëri një referencë jo aq delikate për shuplakën famëkeqe në shfaqjen e çmimeve të Akademisë 2022, kur Will Smith goditi Rockun për një shaka për gruan e tij, Jada Pinkett Smith.

Në këtë ngjarje, Hart solli një dhi në skenë si dhuratë për Rock, duke njoftuar se emri i tij është Will Smith.

“I thashë Daveit, unë do t’i dhuroj Chris një dhi në fund të shfaqjes”, tha Hart gjatë një paraqitje në Show Tonight Starring Jimmy Fallon.

“Chris është një mentor, mik, frymëzues, por ai është një pjesë e madhe e arsyes që unë jam këtu ku jam sot në karrierën time, vetëm nga këshillat e tij, mprehtësia e tij, etj., dhe ai është dhia ime”, tha Hart.

“Ai është djali im dhe doja që ai ta ndjente këtë dhe të përjetonte botën e të kuptuarit se si ndihem unë për të para atij publiku”, tha aktori.

Chappelle hapi shfaqjen e së shtunës duke adresuar një tjetër incident të diskutueshëm ku një anëtar i audiencës e sulmoi atë në skenë gjatë turneut të tij “Netflix Is a Joke”në Hollywood Bowl në Los Angeles më 3 maj.

Performanca u ndoq edhe nga JAY-Z, vëllai i Rock-ut, Tony Rock, Questlove dhe një mori të famshëm të tjerë.

Smith, ndërkohë, ka qëndruar jashtë vëmendjes që nga veprimet e tij në Oscar dhe është përjashtuar nga të gjitha ngjarjet e Akademisë së Arteve dhe Shkencave të Filmit për 10 vitet e ardhshme.

Aktori i cili kërkoi falje menjëherë pas kësaj, por nuk ka folur për ngjarjen që atëherë, zbuloi në një video të regjistruar para “Oscars” gjatë një interviste me David Letterman se ai kishte halucinacione për një vizion të humbjes së karrierës dhe pasurisë së tij.

Pas incidentit, Will u pa duke festuar një natë me familjen e tij në festën e Oscars Vanity Fair, duke kërcyer me këngën e tij “Gettin’ Jiggy Wit It” ndërsa turmat e brohorisnin.

Megjithatë, disa ditë më vonë ai kërkoi falje në një deklaratë zyrtare duke thënë se sjellja e tij ishte ‘e papranueshme dhe e pafalshme’ dhe e la atë të ‘turpëruar’.

“Dhuna në të gjitha format e saj është helmuese dhe shkatërruese”, shkroi ai.

Pas incidentit, Smith shkoi në Indi për shërim shpirtëror dhe që atëherë nuk është parë shumë në daljet publike.

Nuk dihet nëse është në kontakt me Rockun, i cili ka qenë në lajmet e kësaj jave për romancën e re me aktoren Lake Bell.