Kryeqyteti indian regjistroi këtë mëngjes temperaturën më të ulët të matur ndonjëherë në 14 vitet e fundit gjatë muajit nëntor, me termometrin që shënoi 7,5 gradë Celcius.
“Qyteti, në ditët në vijim, mund t’i nënshtrohet një vale të ftohti”, informoi sot Departamenti Meteorologjik i Indisë.
Rekordi më i ulët ka qenë në vitin 1938, kur, në fund të nëntorit, banorët e kryeqytetit u zgjuan me një temperaturë minimale 3,9 gradë Celcius.
Përveç të ftohtit, qytetit i është dashur të luftojë edhe me smogun dhe mjegullën e dendur.
Sipas Mahesh Palaëat, meteorolog në “Skymet Weather”, një agjenci private e parashikimit të motit, uljet e regjistruara këtë muaj nëntor ishin të paktën tre gradë nën mesataren e periudhës.