Agjencia e lajmeve Reuters pretendon se dy zyrtarë të lartë dhe dy diplomatë iranianë e kanë informuar atë se Irani ka premtuar t’i sigurojë Rusisë raketa që përdoren në sipërfaqe përveç dronëve.
Raporti pretendon se një marrëveshje u ra dakord më 6 tetor kur nënpresidenti i parë i Iranit, Mohammad Mokhber, dy zyrtarë të lartë nga Garda Revolucionare të Iranit dhe një zyrtar nga këshilli suprem i sigurisë kombëtare vizituan Moskën për bisedime me Rusinë rreth dorëzimit të armëve.
“Rusët kishin kërkuar më shumë dronë dhe raketa balistike iraniane me saktësi të përmirësuar, veçanërisht llojin e raketave Fateh dhe Zolfaghar”, tha një nga diplomatët iranianë, i cili u informua për udhëtimin.
Pozicioni zyrtar i Iranit ka qenë të mohojë se po furnizon Rusinë me ndonjë dron., ndërsa më herët gjatë ditës së sotme, zëdhënësi i Kremlinit, Dmitry Peskov, pretendoi se Moska “nuk kishte informacion” për përdorimin e dronëve të prodhuar nga Irani në Ukrainë.
(BalkanWeb)
