SIRI – Avionët e Jordanisë, që kanë nisur sulmet që prej ditës së djeshme ndaj Shtetit Islamik, duket se kanë vrarë aksidentalisht edhe një shtetase amerikane, që mbahej peng nga ekstremistët e ISIS.
Lajmi bëhet me dije nga ISIS, por pala jordaneze për momentin thotë se nuk ka asnjë konfirmim për këtë gjë. Shtetasja amerikane Kayla Jean Mueller është përdorur si mburojë nga ISIS gjatë bombardimeve, çka dyshohet se ka bërë që ajo të vritet.
Ndërkohë, familjarët e shtetases amerikane kanë deklaruar se shpresojnë që vajza e tyre të jetë ende gjallë. Shtëpia e Bardhë ka theksuar se nuk ka ende asnjë provë që vërteton se qytetarja amerikane është vrarë.
(er.nu/news24/BalkanWeb)