Shteti Islamik, ISIS, ka kërcënuar se do të rrëmbejë e ndëshkojë tifozët që kapen duke parë përballjen e Cristiano Ronaldos dhe Lionel Messit në “El Clasico”. Ata paralajmëruan se kushdo që kapet duke parë ndeshjen në mes Barcelonës dhe Real Madridit do t’i dorëzohet 18 gjuajtjeve me kamzhikë.
Kafeneve dhe restoranteve në territorin e mbajtur nga ISIS u kërkohet të fikin televizorët, kur dy klubet më të mëdha të Spanjës janë në fushë. Një burim nga Kurdistani i tha “DailyStar”: “IS ndalon shikimin dhe ushtrimin e sportit, veçanërisht të futbollit, pasi e sheh si një produkt të Perëndimit dekadent”. ISIS ka vrarë një grup adoleshentësh, 13 tifozë të futbollit, që u kapën duke shikuar një ndeshje këtë vit. Është e paqartë nëse dikush është dënuar se pa ndeshjen e së dielës së kaluar, kur Barcelona fitoi 2-1.
(m.k/BalkanWeb)
