Në një operacion të Policisë Italianë është bërë i mundur sekuestrimi i 476 kilogramë kokainë. Kokaina e sekuestruar në Itali ishte e ndarë në 400 pako. Si rezultat i këtij operacioni ka rënë në pranga një shtetas shqiptar, banues të ligjshëm në Itali, me dosje të pastër për kundërvajtje droge 38 vjeç, banues në provincën e Firences.

Ai po udhëtonte përgjatë A/1 në bordin e një kamioni që kishte ngjallur vëmendjen e një patrulle të Policisë Rrugore. Mjeti u ndalua dhe ai u shfaq shumë i shqetësuar dhe intolerant ndaj kontrollit dhe punonjësve të Policisë Rrugore, duke konstatuar pabazueshmërinë faktike të arsyeve të pranisë anormale. Pas kontrolleve të ushtruara n mjetin e tij dyshemeja ishte e mbulur me blloqe kokaine të pastër: 400 për një peshë bruto prej 476 kilogramësh.

Sekuestrimi rezulton të jetë më i madhi i kryer ndonjëherë në Arezzo dhe droga mund të kishte sjellë mbi 45 milionë euro në tregun e tregtarëve të drogës. Nisur nga sasia, nuk përjashtohet që droga të ishte e destinuar për një treg më të gjerë.

(BalkanWeb)