Zidan e aktivizoi titullar, por zëvendësimin James Rodriguez nuk e honeps dot duke shpërthyer në të shara ndaj teknikut francez të madrilenëve.
Në sfidën që Real luajti mbrëmjen e kaluar kundër Leganes në transfertë, Zinedin Zidan në minutën e 72-të të takimit vendos të nxjerrë nga loja kolumbianin që kishte startuar nga minuta e parë, por reagimi i futbollistit ka qenë i papritur.
Ndërsa po kryhej zëvendësimi, 25 vjeçari u filmua nga kamerat e “Sport Four” duke sharë Zidan. “P*** i së ëmës, nuk më lë një ndeshje të plotë”.
Më pas, ai kaloi para trajnerit pa i folur, ndërsa goditi me grusht pankinën në shenjë zemërimi dhe faktin që nuk luan një ndeshje të plotë që nga dhjetori.
Nga ana tjetër, Zidan u mundua të qetësonte polemikën me yllin kolumbian gjatë konferencës për shtyp. “Është logjike që është i inatosur. Zëvendësohet shpesh por nuk kam asgjë kundër tij, ndonëse vazhdoni të ma bëni këtë pyetje. Përkundrazi, jam i lumtur me të tha francezi”.
(e.k/BalkanWeb)