Juve-Pogba janë shumë pranë një ribashkimi të bujshëm, mungojnë vetëm detajet e fundit për të vënë në jetë një transferim që tifozët e “Zonjës së Vjetër” e prisnin prej kohësh.

Mesfushori francez do të rikthehet në Torino, për këtë nuk ka asnjë dyshim e përditshmja Tuttosport. Pogba do të përfitojë 7,5 milionë euro në sezon, plus bonuse, shumë herë më pak se sa përfitonte te Man.United.

Përcaktues në këtë transferim ka qenë vetë dëshira e lojtarit pasi për të interesoheshin edhe klube si Real Madrid dhe PSG, dy klube që ofronin shumë herë më shumë se sa Juventus.
(BalkanWeb)