Nëse një ditë më parë Elseid Hysaj shikohej si përforcimi i ardhshëm i Atletikos së Madridit, gjërat sot kanë ndryshuar. Në fakt, këto janë situatat që prodhon merkatoja globale e futbollistëve, teksa shqiptari tashmë ka konkurrencë në korsinë e djathtë të skemave të Çolo Simeones.

Sipas “Daily Telegraph”, shkodrani i Kombëtares shqiptare mbetet favoriti për drejtuesit e Atletikos, por tashmë në Madrid po shikojnë dhe alternativa, nëse tratativa me shqiptarin nuk shkon ashtu siç duhet. Hektor Belerin i Arsenalit është opsioni tjetër pëër Atletikon. Spanjollit 24-vjeçar të “topçinjve” veç futbollit, i pëlqejnë edhe pasarelat, ku nuk ngurron të sfilojë si një top-model.

(Balkanweb)