Numri i të vdekurve nga tërmeti shkatërrues në provincën Java Perëndimore të Indonezisë u rrit në 318, me 14 të tjerë të zhdukur, tha një zyrtar i lartë i agjencisë së fatkeqësive të vendit.

Tërmeti me magnitudë 5.6 goditi Java Perëndimore të hënën.

Tetë trupa të tjerë u gjetën në operacionin e kërkimit të shtunën, duke e çuar numrin e të vdekurve në 318, tha në një konferencë për shtyp zëvendësi për përgjigjen emergjente i Agjencisë Kombëtare të Menaxhimit të Fatkeqësive dhe Zbutjes, Fajar Setiawan.

Tërmeti la gjithashtu 7,729 njerëz të plagosur në rrethin Cianjur, një nga zonat më të goditura, shkatërroi 58,049 shtëpi dhe zhvendosi deri në 73,693 njerëz, tha Setiawan.

Zëdhënësi i Zyrës së Kërkimit dhe Shpëtimit të Provincës Java Perëndimore Joshua Banjarnahor tha në një konferencë për shtyp se shirat kishin penguar misionin e kërkim-shpëtimit për viktimat e tërmetit.

Brenda tre ditëve në vijim priten reshje shiu në rrethin Cianjur, sipas agjencisë së meteorologjisë, klimatologjisë dhe gjeofizikës.