TIRANË – Kandidatja e zgjedhur nga Qeveria për anëtare e Këshillit Mbikëqyrës të Bankës së Shqipërisë, Denada Prifti, është dëgjuar sot në Komisionin e Ekonomisë dhe Financave.

Prifti ka rrëfyer eksperiencën e saj në punë dhe më pas i është përgjigjur pyetjeve të deputetëve. “Punoj në KE për bankat dhe stabilitetin financiar, – tha Prifti. – Kam një karrierë profesionale prej 20 vjetësh me bankat në Gjermani dhe Bruksel; 5 vjet vetëm në bankat gjermane. Nuk kam lidhje politike, gjithçka e kam arritur me forcat e mia. Përsa i përket Bankës së Shtetit, gjykoj se duhet të ketë kod moral dhe etik për punonjësit e Bankës.”

E pyetur për kreditë e këqia dhe ndikimin e tyre, ajo tha se “nga kreditë e keqia nuk ka rrezik për stabilitetin financiar.”

(ar.sh/BalkanWeb)