Të paktën 11 persona kanë mbetur të vrarë e 19 të tjerë janë plagosur pasi një kamion dhe një autobus pasagjerësh u përplasen mes tyre në Kinë.
Aksidenti ka ndodhur në orët e para të së dielës. Shkak sipas autoriteteve është bërë kamioni, i cili doli në korsinë e kundërt të autostradës dhe u përplas me autobusin.
Nga përplasja kanë pësuar edhe dy kamionë të tjerë, të cilat u munduan t’i shpëtonin aksidentit të rëndë.
Shpejtësia, kalimi i rrezikshëm, automjetet e mirëmbajtura keq dhe drejtuesit e papërgjegjshëm janë më shpesh shkaku i aksidenteve në Kinë.
Në vitin 2019, kishte rreth 248 mijë aksidente trafiku me gati 63 mijë vdekje, sipas Byrosë Kombëtare të Statistikave.
(BalkanWeb)