Hetuesit e antidrogës në Kolumbi gjetën kokainë të lëngshme në rreth 20,000 arra kokosi që do të eksportoheshin në Evropë, raportoi sot zyra e prokurorit publik.
Sipas deklaratës, 19,780 arra kokosi të destinuara për eksport ishin vendosdur në një kontejner me 504 çanta që supozohej të niseshin nga porti i Kartagjenës për në Gjenovë, në Itali.
Gjatë kontrollit rezultoi se uji i kokosit ishte shkëmbyer me kokainë të lëngshme. Identifikimi i sasisë së kokainës së lëngshme do të kryhet në laborator.
Kolumbia konsiderohet vendi kryesor i origjinës së kokainës, përpara Perusë dhe Bolivisë, ku kultivohet edhe bima e kokainës. Një pjesë e madhe kontrabandohet në Shtetet e Bashkuara.