KOSOVE- Një “përplasje” ka ndodhur sot mes sigurimit të Kuvendit dhe opozitës, pasi këta të fundit tentuan të hyjnë në ndërtesën e Kuvendit të Kosovës për ta dorëzuar peticionin kundër “Zajednicës” dhe demarkacionit me Malin e Zi, të nënshkruar nga qytetarët.
Për shkak se sigurimi tentoi që mos t’i lejojë në ndërtesën e Kuvendit, kryetari i Aleancës për Ardhmërinë e Kosovës, Ramushi Haradinaj ka marrë peticionin dhe duke shtyrë sigurimin ka hyrë në hollin e Kuvendit pa u kontrolluar nga sigurimi.
“Unë hy dhe nuk mund të më ndal askush edhe hiqmu qafesh”, i ka thënë Haradinaj sigurimit, transmeton “kp”.
Ndërsa vet ëHaradinaj tha se ashtu ndodhi për arsye se nuk është e ndaluar të futen letra të Kuvend, pa marrë parasysh çfarë dite është dhe nuk e kanë të ndaluar si deputet të hyjnë brenda ndërtesës së Kuvendit.
Ata ritheksuan se nuk do të mbahen seancat e rregullta nëse nuk merren parasysh kërkesat e opozitës.
(el.sp/BalkanWeb)
