TIRANË- Ish-kryeministri Sali Berisha ka publikuar emrin e një tjetri oficeri policie që flet për lidhjet e Habilajve. Bëhet fjalë për Antonio Nazeraj, një oficer antidroge në Policinë e Fierit, i larguar nga detyra.
Sipas dëshmisë së tij, të cituar nga Berisha, Habilajt me makinën e ish-ministrit Saimir Tahiri me targë AA 003 refuzonin kontrollet e policisë dhe në një rast të shoqërimit të tyre u urdhërua lirimi i tyre dhe bëri që ai të vihej në shënjestër për eliminimin fizik dhe nisjen e procedurave për largimin e Nazerajt.
STATUSI I BERISHËS
Një oficer tjetër i antidrogës kryqëzon Tahirin, vërteton lidhjet e tij kriminale me Habilajt!
Të dashur miq, përveç Zaganit një oficer tjetër i antidrogës së Fierit, Antonio Nazeraj dëshmon në media:
– Habilajt me makinën e Tahirit me targë AA003…refuzonin kontrollet e policisë,
– pas shoqërimit të tyre, në një rast në polici, jo vetëm u urdhërua lirimi i menjëhershëm i tyre dhe makinës por
– bëri që ai të vihej në shënjestër të bandës për eliminimin e tij fizik dhe,
– nisjen e procedurave që sollën largimin e tij nga policia!
Intervistën e plotë e gjeni në http://www.gsh.al/2017/10/25/ish-agjenti-i-antidroges-ja-si-u-largua-me-dhune-nga-postblloku-i-policise-audi-a8-i-habilajve-na-kercenuan-kerkuan-qe/
(BalkanWeb)
