Pas shumë vitesh Lazio u rikthye në Champions League dhe tashmë që ndodhen në turneun më të rëndësishëm në rang klubesh, kryeqytetasit kërkojnë të dërgojnë klubin në një tjetër nivel. Igli Tare, fituesi i freskët i çmimit “Luani i Artë”, si drejtori sportiv më i mirë i vitit, ka përpiluar një listë me lojtarët që klubi do ti ofroj rinovimin e kontratës.

Ky proces nisi fillimisht me Immobile dhe Luis Alberto për të vijuar me Acerbi, Marusic, Strakosha e Luiz Felipe. Për të katër lojtarët, Tare i ka ofruar një kontratë të re deri në vitin 2025. Me këto ofertë, Strakosha konfirmohet edhe një herë si shtylla e ekipit, një portier ku Tare dhe presidenti Lotito besojnë shumë.
(BalkanWeb)