NGA ERJOLA JATA* TIRANË- Projektligji për pensionet shtetërore suplementar të personave që kryejnë funksione kushtetuese dhe punonjësve të shtetit ka përplasur opozitën dhe mazhorancën në komisionin parlamentar të ekonomisë. Për të djathtët drafti i qeverisë është cilësuar një mekanizëm për të mbushur buxhetin e shtetit i cili varfëron punonjësit me paga të ulëta.
Ministri Veliaj u shpreh se ligji i ri për pensionet ka dhënë efekte që në vitin e parë duke ulur informalitetin, por ky fakt është kontestuar nga opozita. Debati në komision është spostuar dhe tek ligji i ri për minatorët.
Në këtë skemë suplementare ka rreth 5 mijë kontribuues dhe 1920 përfitues dhe masat e propozuara e reduktojnë deficitin e skemës suplementare ne rreth 80 milion lekë në vit.
(m.k/BalkanWeb)
