Juventus po përjeton një nga sezonet më të vështira në vitet e fundit, ekipi i Allegrit e ka të vështirë të jetë konkurrues me ekipet e Milanos, për këtë arsye “Zonja e Vjetër” pritet të jetë aktive në tregun e transferimeve. Në janar, stafi drejtues i Juves duhet të gjejë me çdo kusht një qendërsulmues të ri, emrat për momentin mbeten të njëjtë: Mauro Icarid qëndron në krye, një opsion tjetër është edhe Scamarcca, ndërsa një ëndërr mbetet Vlahovic. Sulmuesi serb i Firoes është i preferuari i madh i Allegrit por në të njëjtën kohë është edhe opsioni më i vështirë, më i kushtueshmi, pasi kërkohen minimalisht 80 milionë euro për ta transferuar në Torino.

Më i thjeshtë është opsioni Icardi, prej kohësh ish kapiteni i Inter kërkon të largohet nga Parisi, pret vetëm dritën jeshile nga Leonardo. Icardi është një emër që qarkullon prej kohësh në shtëpinë e “Zonjës së Vjetër”.

Jo vetëm lista në hyrje, Allegri ka përpiluar edhe listën në dalje. Emri i parë është Ramsey, i zhdukur prej kohësh, por vështirë se mund të gjejnë një blerës për mesfushorin, për këtë arsye parashikohet një huazim i gjatë prej 18 muajsh. Në listën në dalje ka përfunduar edhe Kulusevski, jashtë planeve të Allegrit por edhe për të mungojnë ofertat konkrete.
(BalkanWeb)