Para deputetëve të Maqedonisë së Veriut është vënë ligji i ri që rregullon punën e Agjencisë së Inteligjencës.
Nga qeveria e Maqedonisë së Veriut theksojnë se me këtë ligj synohet të ndertohet një Agjenci e Inteligjencës e cila do të jetë moderne, profesionale dhe efikase, që është e aftë në çdo moment të ballafaqohet me sfida të ndryshme, të kohës.
Ligji në qeveri është miratuar me propozim të Ministrisë së Drejtësisë.
“Me sjelljen e ligjit të ri për Agjencinë e Inteligjencës, përfundimisht do të rrumbullakësohen reformat e nisura në sistemin e sigurisë në Maqedoninë e Veriut, si parakusht për anëtarësim në NATO”, thuhet në njoftimin e qeverisë së Maqedonisë së Veriut.
Duhet theksuar se Agjencia e Inteligjencës për herë të parë drejtohet nga kuadro shqiptarë drejtori i se ciles eshte Erolld Musliu, me ardhjen e presidentit të ri të shtetit Stevo Pendarovski.
Më shumë paqartësi mbeten rreth detyrave dhe punës së Agjencisë së Inteligjencës gjatë kohës së konfliktit të armatosur të vitit 2015 në Lagjen e Trimave në Kumanovë ku kishin mbetur të vdekur 8 policë dhe 10 anëtarë të grupit të armatosur, që ishin prezantuar si ish-pjesëtarë të Ushtrisë Çlirimtare Kombëtare, në këtë kohë Agjencia e Zbulimit është nga Naqe Çulev, i cili aktualisht është ministër teknik i Punëve të Brendshëm, me propozim të partisë maqedonase në opozitë VMR DPMNE-së.