TIRANE
Të shtëna me armë zjarri janë regjistruar mbrëmjen e sotme në kryeqytet.
Gazetarja Dorjana Bezat raporton për BalkanWeb se ngjarja ka ndodhur në rrugë në zonën e Paskuqanit, ku si pasojë ka mbetur një person i plagosur.
Forcat e policisë janë drejtuar për në vendngjarje për zbardhjen e situatës.
Në zonën e Paskuqanit është plagosur me armë zjarri (në këmbë) nga persona ende të paidentifikuar shtetasi Urim Vata, rreth 55 vjeç, njofton policia.
Shtetasi i dëmtuar aktualisht ndodhet në spital nën kujdesin e mjekëve, jashtë rrezikut për jetën.
Po punohet intensivisht për identifikimin dhe kapjen e autorit/ve.
(e.f/BalkanWeb)