Ndryshe nga ndeshja me Italinë, ku stadiumi ishte plot, kjo edhe për shkak të yjeve që zbritën në fushë, në miqësoren e sotme ndaj Armenisë pritet një numër i ulët tifozësh.
Deri mesditën e sotme janë shitur 3 mijë bileta në total. Pozitiv është vetëm fakti se ka tifozë që kanë blerë paketë dy miqësoret e fundit, me Italinë dhe Armeninë. Gjithsesi, nuk parashikohet që në total numri i tifozëve të kalojë 6 mijë deri në momentin e startit të ndeshjes.
Çmimet për një biletë fillojnë nga 700 lekë të rinj deri në 12 mijë lekë të rinj. Vlen të theksohet se miqësorja Shqipëri-Armeni do të luhet sot në orën 17:30, në stadiumin “AIR Albania”.
(BalkanWeb)